GYM MISR: لعبه كمال الاجسام

تابعونا على

الاثنين، 1 ديسمبر 2014

لعبه كمال الاجسام





لعبه كمال الاجسام مش مجرد انك تدخل الجسم و تلعب يوم بنش و يوم ظهر
و تطلع تاكل كل الي قدامك و بس انت ممكن صحيح بالمنظر ده تلاحظ تحول
علي جسمك و تعمل فورمه معقوله بس جسمك هيقف عند حد معين و مش
هيزيد لانك مش ماشي صح . طيب ازاي تمشي صح ؟ لازم نفهم ان لعبه
كمال الاجسام ليها اكثر من مرحله و كل مرحله ليها نظامها الغذائي و تمارينها
الخاصه زي مرحله ال(التضخيم )و مرحله (الدفنشه ) و مرحله
season off (البعد عن كمال الاجسام نهائيا لفتره معينه ) ..

طيب انا كمبتدئ ابدا بانه مرحله ؟؟
المبتدئ ده جسمه بيبقي محتاج زياده عضليه في المقام الاول و عان يحقق
الزياده دي لازم يبدا بالمرحله الاولي و هي التضخيم .. لازم نفهم ان في خلال
المرحله دي مستحيييل هتزيد عضل صافي لاااازم هتزيد معاه دهون و ده
طبيعي جدا و المرحله دي بتبقي من شهرين ل ثلاث شهور نلعب باوزان ثقيله
عدات قليله مع الاكل كويس جدا و عدم الابتعاد عن الدهون بصوره كبيره و
افضل وقت ليها هو وقت الشتاء و في المرحله دي يمكن شكل الدهون
ميعجبكش و يمكن يظهرلك الكرش و تختفي عضلات البطن بس انت لو فاهم
هتعرف انك هتقضي علي الدهون دي في مرحله الدفنشه بعد متوصل للحجم
العضلي الي محتاجه بتدخل علي المرحله الثانيه و هي (الدفنشه) و في
المرحله دي بتبتدي تنحت جسمك من كل الدهون الي فيه و دي اصعب
مرحله لانها بتحتاج نظام تدريبي و غذائي شاق جدا طبيعي في المرحله دي
ان وزنك ينزل بس اعرف انك بتخسر دهون مش عضل و جسمك بيكون شكله
احلي و افضل فتره فيها فتره الصيف . بنلعب باوزان معقوله مع زياده العدات و
السير علي نظام دايت قاسي بعد 3 شهور بالطريق دي هتوصل للجسم
المثالي الي في دماغك ... طيب امال ايه مرحله season off دي المرحله دي
بيستخدمها الابطال الي في البطولات اكثر من الهواه و في خلال المرحله دي
الاعب بيبتعد عن كل ما يخص كمال الاجسام عشان يحفز هرموناته انها ترجع
طبيعيه و يستعد لدوره هرمونات جديده و طبعا بيظبط النفسيه و يبعدها عن
التشنج و السير علي نظام محدد انت كهاوي للعبه دي ممكن تستخدمها في
انك تظبط النفسيه و تاخد الفتره دي زي مكافاه ليك علي الانجاز الي حققته و
تستعد من خلالها لدوره جديده من التضخيم و الدفنشه بصوره اكبر ..و في
الصوره توضيح للمرحلتين الدفنشه و التضخيم .. اسف اني طولت عليكوا و اتمني الافاده للجميع
التعليقات
0 التعليقات

ليست هناك تعليقات:

إرسال تعليق

Related Posts Plugin for WordPress, Blogger...